Isang bayang araw araw tila fiesta

Sa pagkaing kalye ay mabubuhay ka

Snatchers at bading ay naglipana

Vidioke sa kalye maririndi ka

Amoy ng basura gigising sa iyong umaga

Kaunting ulan lang baha ay rumaragasa

Lamayan front tuwing sabado mayroon sila

Karera ng kabayo kung mahilig ka, parati ditong umaarya

Kung sa boses ni misis ay naririndi na

Mga bars sa kanto pampalipas ligaya

Mga taong grasa o di kaya"y luka luka

Nagkalat sa kalsada tawa ng tawa

Tambay sa kalye, gutom ay di alintana

Ngunit ngiti sa labi nila’y di nawawala

Malayo man ang iyong patutunguhan

Padyak ni manong maihahatid ka

Pag parada ng jeep akala mo’y tahimik na

Yuon pala’y tulugan ng durugista

Kung minsan naisip ni maria

Siya kaya ay katulad na nila?

Subalit sa puso nya bayang ito’y napamahal na

Sapagkat sari saring tao ang kanyang nakilala

Dito rin sya natutong mamuhay mag isa

Lumungkot. . . Lumigaya. . .

Dito’y uuwi sya . . .


(ang litrato ay kuha pa mga dalawang taon na ang lumipas....mula sa isang sunog sa f. cruz....nasigawaan ako ng barangay dito, dahil isa akong malaking usi at sagabal sa bumbero.....)